Display Style:
Column Style
सुशील राजाेपाध्यायं म्हितादीगु “बनफुल” पिदन
लहनान्युज | तछलाथ्व सप्तमी ११३८ (जुन २० २०१८)
नेपालभाषाया संकिपा ख्यलय् नां जाःम्ह सुशील राजाेपाध्यायं म्हितादीगु खस नेपाली भायया अाधुनिक म्ये “बनफूल” या भिडियाे सार्वजनिक जुल ।
ईमेज च्यानलया भिजेपिं शिवानी भट्टराई व मिलन श्रेष्ठया मू भुमिका दुगु थुगु भिडियाेय् नुगलय् थीक मतिनाया बाखं चिनातःगु दु ।
म्येच्वमि रमेश बिजीया म्येग्वलय् सुरेश अधिकारीया संगीतय् म्येहालामि दुर्गा परियारं हालादीगु म्येया म्यूजिक भिडियाे नेपाःया न्हापांम्ह मिसा निर्देशक अनुपा श्रेष्ठं निर्देशन यानादीगु खः ।
करूणांजाःगु म्येया म्यूजिक भिडियाे बांलाकेगु नितिं सकसिगु उतिकं मेहेनत दुगु खँ कँसे निर्देशक श्रेष्ठं सकसित म्यूजिक भिडियाे स्वयाः प्रतिकृया बियादीत नं इनाप यानादिल ।
भिडियाेय् युगज्योति व प्रिन्स श्रेष्ठयात नं मू भूमिकाय् खंकेफइ ।
नेवाः संकिपाः “स्वय्नगु” विशेष शो
लहनान्युज | तछलाथ्व चौथी ११३८ ( जुन १७ २०१८)
वंगु असार २ गते यल भोलध्वाखाय् च्वंगु ज्यापु प्रज्ञाभवनय् नेपालभाषाया संकिपाः“स्वय्नगु” विशेष शो हाउसफुल जुइक क्यनेज्या क्वचाल ।
हलिं नेवाः गुथि किपुल्चा कचाया नितिं सिने ग्राफिक्स बलम्बुया न्ह्यब्वया ऐतिहासिक लकस दुथ्यानाच्वंगु नेवाः संकिपाः “स्वय्नगु” पुलांगु नेवाः बियोगान्त मतिना बाखं खः ।
थुगु बाखंयात प्याखँया रुपय च्वया निर्देशन यानादीम्ह खः अमृतमान महर्जन । निर्माताया रुपय गोपाल नकःमि व अजः महर्जन निर्माता रुपय् दूगु थुगु संकिपाःया मूप्याखँ म्वःया रुपय भिन्तुना जोशी, सुरज ब्यञ्जनकार, रनेन्द्र महर्जन, शुशिला तन्डुकार, अमृतमान महर्जन, सानु ताम्रकार, नारायणदेवी महर्जन, नगिना जोशी लगायत म्हिता च्वनादीगु खः ।
नेवाः संकिपाःयात प्रचार प्रसार व प्रवद्र्धन यायेगु मूतातुनां नापं निर्माण जूगु नेवाः संकिपाः “स्वय्नगु” यलया स्वकुमिपिनिगु माग बमोजिम विशेष शो क्यने ज्या जूगु खँ विशेष शोया कजि कलाकार सुरज ब्यञ्जनकारं लहनान्युजयात कनादील ।
नापं नेवाः प्याखँ स्वयेत मनुतयसं हाउसफुल जुइक क्यंगु उपस्थिति व उत्साह प्रति आभारी प्वंकुसें थुकथं नेवाः तयेगु हःपाः दयाच्वन धासा नेवाः संकिपाः विकास न्हियांन्हिथ अप्वइगु खँ ब्यञ्जनकारं कनादील ।
उखुन्हु हे थुगु नेवाः संकिपाःया विशेष शो “स्वय्नगु” झापाय् न छगू क्यने ज्या जूगु खँ निर्देशक अमृतमान महर्जनंं लहनान्युजयात कनादीगु खः ।
‘बसन्त ऋतु’ यलय् क्यनेज्या जुल
नृपेन्द्रलाल श्रेष्ठ | तछलाथ्व चौथी ११३८ ( जुन १७ २०१८ )
नेपालभाषाया नांजाःम्ह कलाकार व र्निदेशक पवन जोशीं र्निदेशन याःगु संकिपा ‘बसन्त ऋतु’ यलया बुद्ध पार्टी प्यालेसय् क्यने ज्या जुगु दु ।
धुँ देय् प्रोडक्सन प्रा.लि.या न्हापांगु संकिपा ‘बसन्त ऋतु’ थी थी थासय् क्यने ज्या जुया वया च्वंगु खः ।
संकिपाया र्निदेशक जोशी छम्ह मिसाया मार्मिक बाखंया लिधंसा बने जुगु थुगु संकिपा स्वकुपिन्स तसकं यकुगु दु धकाः लहनान्युज यात कनादीगु खः ।
निर्माता रामकृष्ण धिनाया निर्माणय् ‘बसन्त ऋतु’ संकिपालय् कलाकारपि किशोर चिपालु, अनु महर्जन, राजेन्द्र महर्जन, शोभा महर्जन, सुरेश महर्जन, सुशील श्रेष्ठपिन्स म्हितादीगु खः ।
इन्दिरा जोशीया ‘रेलीमाइ’ म्ये बजारय्
लहनान्युज | अनलागा अष्टमी ११३८ ( जुन ९ २०१८ )
गायिका इन्दिरा जोशीया ‘रेलीमाइ’ म्ये नाप भिडियो बजारय् पिहां वःगु दु ।
‘रेलीमाइ’म्येय् गायिका जोशीनाप युवागायक आर्जन पाण्डया सः न दुथ्यागु दु । नकतिनि पिहावःगु म्ये प्रतिक पौडेलं च्वयादीगु नाप लय् न तयादीगु खः ।
रिकेश गुरुङ संगीत संयोजन यानादीगु थुगु म्येय् भिडियालय् गायिका जोशी नाप गायक पाण्ड हे अभिनय यानादीगु खः ।
डान्स बीटय् दुगु थुगु भिडियाखय् गायिका जोशीं प्याखं न हुलादीगु न बालाजु ।
भिडियाखय् निम्हेसिगु मतिना निसे ब्याहा यागु तक न्हिइपुक दयेका तःगु दु ।
‘रेलीमाइ’ म्येय् हरि हुमागाइँ न छाँयाकन यानादीगु खःसा प्रविण सिंहं निर्देशन यानादीगु खः।
नेप–ग्याजम–स्टयाण्ड–अप कमेडी शो
लहनान्युज | अनलाथ्व पुन्हि ११३८ ( मे २९ २०१८ )
नेप–ग्याजम–स्टयाण्ड–अप कमेडी शो व सेलिब्रेटी म्यानेजमेन्ट नेपालया मंकाः ग्वसालय् लाइभ स्टयाण्ड–अप कमेडी शो सिजन २ येँया झम्सिखेलय् एट डिग्रीज फाइन डाइन एण्ड भेन्यूज रेस्ट्रोय् जुगु दु ।
वंगु चैत्र २४ गते क्वःचागु लाइभ स्टयाण्ड–अप कमेडी शो सिजन १ तःजिक क्वःचागु खः ।
नीगुगु सिजनय् न्ह्यम्ह हास्य कलाकारपिं लेखमणी त्रिताल, सहर्ष के.सी., रुपक बुढाथोकी, योजना थापा, बिभोर अधिकारी, सरोज भण्डारी, विवेक पौडेल नाप पाँहा कलाकार रोशन सुवेदीं पिसं दर्शक तयेत स्व घौं तक न्हिइका तयेत ताःलागु खः ।
