Display Style:
Column Style
मिस नेवाः आइकनय् नेवाः तिसाया सम्बन्धि प्रशिक्षन
नृपेन्द्रलाल श्रेष्ठ | चिल्लागा अष्टमी ११३८ (मार्च ९ २०१८)
रेक्स् फेशन होमया ग्वसालय् जूइ त्यंगु मिस नेवाः आइकन २०१८ निक्वःगु संस्करणया अडिसनय् थौं नेवाः तिसा सम्बन्धि प्रशिक्षण बिगु ज्याझ्वः जुगु दु ।
थौं जुगु उगु प्रशिक्षण ज्याझ्वलय् नेवाः तयेसं तिइगु तिसाया बिषय खँय् नेपाल सुनचाँदी ब्यवसायी महासंघया निर्वतमान नायः मणिरत्न शाक्यं मिस नेवाः आइकन ब्बति कापिंत प्रशिक्षण
बियादीगु खः ।
टेकुया मसला कटेजय् थुगु प्रशिक्षण ज्याझ्वः न्ह्यानाच्वंगु खः ।
थौंया ज्याझ्वलय् रेक्स् फेशन होमया प्रबन्ध निर्देशक खगेश रंजितकार, लहना मिडियाया नायः नृपेन्द्रलाल श्रेष्ठ व लहाना मिडियाया ब्यवस्थापक सुरेन्द्रभक्त श्रेष्ठ नं उपस्थित जुयादीगु खः ।
गोल्डेन डायमण्ड ज्वेलरी मेला २०७४ न्ह्यात
नृपेन्द्रलाल श्रेष्ठ | चिल्लागा षष्ठी ११३८ (मार्च ७ २०१८)
गोल्डेन डायमण्ड एण्ड ज्वलेरी यलया ग्वसालय् गोल्डेन डायमण्ड ज्वेलरी मेला २०७४ थौं जुगु दु ।
थौं जुगु उगु ज्याझ्वलय् मूपाँहा वाडमय शताब्दी पुरुष डा. सत्यमोहन जोशीं त्वाः देवाय् मत च्याका उलेज्या यानादीगु खः ।
१०८ क्वःगु अन्तर्राष्ट्रिय नारी दिवसया लसताय् जुगु उगु ज्याझ्वलय् न्याम्ह मिसा पिन्त नं सम्मान याःगु खः ।
सम्मानित जुयादीपि समाजसेवी मोतिशान्ति शाक्य, महानगरीय प्रहरी परिसर यलया महिला बालबालिका सेवा केन्दया प्रहरी निरीक्षक चञ्चला श्रेष्ठ, रेडियो सरगरमाथाया पत्रकार सम्झना महर्जन, कलाकार आशिष्मा नकःमि व व्यवसायी कमला ताम्रकारयात मूपाँहा वाडमय शताब्दी पुरुष डा. सत्यमोहन जोशीं हना पौं लःल्हानादीगु खः ।
समाजसेवी नाप ललितपुर उद्योग वाणिज्य संघया पूर्वअध्यक्ष अजरमान जोशीया संयोजकत्वय् ललितपुर सुनचाँदी व्यवसायी संघया अध्यक्ष किरणभाई बज्राचार्य व पत्रकार सुनील महर्जन दुजः दुगु समितिं सम्मान जुयादीपि ल्ययादीगु खः ।
मिस नेवाः आइकनया अडिसन न्ह्याना च्वन
नृपेन्द्रलाल श्रेष्ठ | चिल्लागा षष्ठी ११३८ (मार्च ७ २०१८)
रेक्स् फेशन होमया ग्वसालय् जूइ त्यंगु मिस नेवाः आइकन २०१८ निक्वःगु संस्करणया अडिसन न्ह्याना च्वंगु दु । टेकुया मसला कटेजय् थुगु ज्याझ्वः न्ह्याना च्वंगु खः ।
मिस नेवाः आइकनय् ब्बति कापिंन्त लच्छि यकं जुयाच्वंगु प्रशिक्षण ज्याझ्वलय् थौं रेक्स् फेशन होमया प्रबन्ध निर्देशक खगेश रंजितकार, मिस नेवाः आइकन २०१६ या फस्ट रनअप ज्योति मानन्धर व लहाना मिडियाया ब्यवस्थापक सुरेन्द्रभक्त श्रेष्ठ व मोडल रुजल शाहीं प्रशिक्षण बियादीगु खः ।
लहाना मिडियाया ब्यवस्थापक सुरेन्द्रभक्त श्रेष्ठं थुगु मिस नेवाः आइकन २०१८ ब्बति कयादीपिन्त बजाः ब्यवस्थापन सम्बन्धि, मिस नेवाः आइकन २०१६ या फस्ट रनअप ज्योति मानन्धरं बांलाम्ह मोडेल गये याना जुइगु धइगु बिपयलय् प्रशिक्षण बियादीगु खःसा मोडेल रुजल शाही मोडलिग याये बलय् स्वकुमि पिनिगु ध्यान गये यान साले फइ धइगु बिषयलय् प्रशिक्षण बियादीगु खः ।
थुगु मिस नेवाः आइकन ११३८ निगूगु संस्करण थ्व हे वइगु येँया शहीदगेट भद्रकालीइ च्वंगु आर्मी अफिसर्स क्लबय् जुइत्यंगु खः ।
थुकिया प्रत्यक्ष प्रसारण इमेज च्यानलं याये त्यंगु खः ।
थुगु ज्याझ्वलय् लहना मिडिया न मिडिया पार्टनर कथं दु ।
बसन्त ऋतु २६ गते क्यनिगु तयारी
नृपेन्द्रलाल श्रेष्ठ | चिल्लागा तृतिया ११३८ (मार्च ४ २०१८)
धुँदेय् प्रोडक्सन प्रा.लिं न्हापांगु संकिपा “बसन्त ऋतु” क्यनिगु लागि छगू पत्रकार सम्मेलन ज्याझ्वः याःगु दु ।
उगु पत्रकार सम्मेलनय् थ्व हे वइगु फागुन २६ गते नेपालभाषाया न्हूगु संकिपा “बसन्त ऋतु” क्यनिगु तयारी पुरा धुकल धकाः बरिष्ठ निर्देशक पवन जोशी जानकारी बियादीगु खः ।
बरिष्ठ निर्देशक पवन जोशीं थुगु संकिपाय् छम्ह मिसा बिश्वासं लाकमं च्वाका म्वाना च्वम्हेसिगु मार्मिक बाखंया लिधःसाय् दयेकगु संकिपा खः धयादीगु खः । नाप समाजय् ब्बलानाच्वंगु बिसंगति व बिकृति सः थुगु सकिपा “बसन्त ऋतु” खः धका उगु पत्रकार सम्मेलनय् जानकारी बियादीग् खः ।
बसन्त ऋतु संकिपाया परिकल्पनाकार लिसें निर्माता व धुँदेय् प्रोडक्सनया नायः रामकृष्ण धिनां नाप उगु संकिपालय् ज्या यानादीपि कलाकारपि किशोर चिपालु, अनु महर्जन, राजेन्द्र महर्जन, शोभा महर्जन, सुरेश महर्जन, सुशील श्रेष्ठपिं ज्याझ्वलय् उपस्थित जुयादीगु खः ।
थुगु सकिपा येँया राष्ट्रिय नाचघरय् थ्व हे वइगु फागुन २६ गते शनिवाः कुन्हु ११ ताः इलय् व २ ताः इलय् निगु शो क्यने त्यंगु खः ।
‘बसन्त ऋतु’ फागुन २६ गते क्यनिगु तयारी
नृपेन्द्रलाल श्रेष्ठ | सिल्लाथ्व नवमी ११३८ (फ्रेब्रुअरी २४ २०१८)
नेपाली चलचित्र उद्योगय् नांजाम्ह बरिष्ठ संकिपाकःमि पवन जोशीया च्वसाय् व निर्देशनय् निर्माण जुगु नेपालभाषाया न्हुगु संकिपा ‘बसन्त ऋतु’या क्यनेगु तयारी जगु दु ।
संकिपाया निर्देशन पवन जोशीं लहनान्युजयात जानकारी बिगु कथं थ्वहे वइगु फागुन २६ गते शनिवाः कुन्हु येँया जमल च्वंगु राष्ट्रिय नाचघरय् निगु शो क्यनिगु जुगु दु । धुँ देय् प्रोडक्सन प्रा.लि.संकिपा क्यनिगु लागि पुरा तयारी क्वचाःगु दु धका निर्देशन जोशी जानकारी बियादीगु खः ।
निर्देशन पवन जोशी थुगु संकिपा नं नेपाःया समाजय् ह्युपाः हइ धका तकं दाबी न यानादीगु दु । नाप सकिपाया बाखं पटकथा व संवाद तसकं बालागु नि स्वकुमि तयेगु नुँगः साला काये फइ धका न दाबी यानादीगु दु ।
धुँ देय् प्रोडक्सन प्रा.लि.या निर्माता रामकृष्ण धिनाया निर्माण ‘बसन्त ऋतु’ संकिपाय् किशोर चिपालु, अनु महर्जन, राजेन्द्र महर्जन, शोभा महर्जन, सुरेश महर्जन, सुशील श्रेष्ठपिन्स म्हितादीगु खः ।
गुज्ये मालाकारं संगीत तयादीगु थुगु संकिपालय् राजेश शाक्य. छायाँकन यानादीगु खः ।
