गोल्डेन भ्वाइस प्रेमध्वज प्रधान ८७ क्वःगु बुदिंया लसताय् स्वम्हेसित छगु ज्याझ्वः हंगु दु।

मदुम्ह प्रेमध्वज प्रधानया लुमंन्ति पलिस्था यानातःगु ‘गोल्डेन भ्वाइस प्रेमध्वज प्रधान स्मृति प्रतिष्ठान पाखें गीतकार किरण खरेल, वरिष्ठ सितारवादक उस्ताद तारावीर सिंह तुलाधर व गायिका मिलन नेवारयात सम्मान याःगु खः ।

उगु जुगु ज्याझ्वलय् कवि व लोकसंस्कृतिविद् तुलसी दिवयाया म्ये व सङ्गीत लागाय् महत्वपूर्ण योगदान यानादिगु बापत वरिष्ठ गीतकार खरेललाई छगू लाख लिसें प्रेमध्वज प्रधान स्मृति राष्ट्रिय सङ्गीत सम्मान याःगु खः ।

अथे हे वरिष्ठ सितारवादक तुलाधरयात ७५ हजार तका लिसें प्रेमध्वज प्रधान स्मृति राष्ट्रिय वाद्यवादन सङ्गीत सम्मान लः ल्हागु खः । अथे हे गायिका नेवारयात ५० हजार तका लिसें प्रेमध्वज प्रधान स्मृति राष्ट्रिय युवा सङ्गीत पुरस्कार पाखें सम्मानित याःगु खः।

सम्मान ज्याझ्वलय् आनन्द कार्की, उदेश श्रेष्ठ, सुरज थापा व पुरस्कृत कलाकार नेवारं प्रेमध्वज प्रधानया म्ये हाला न्यंकादिगु खः ।

नेपालभाषाया विकास याना यंकेगु निति ‘नेपालभाषा संकिपा संघ’ नीस्वंगु दु ।

नेवाः न्ह्यलुवा लिसें नेपाःया न्हापांम्ह ट्राफिक इञ्जिनीयर डा. शान्तवीरसिंह तुलाधरया पहलय् वय्कःया हे ज्याःजंक्व कुन्हु लाकाः उगु संघ नीस्वनेगु ज्या जूगु खः ।

संघया अध्यक्षय् हृदयप्रसाद मिश्र च्वनादीगु दु । अथेहे, उपाध्यक्षय् सुरेश किरण, सचिवय् श्यामसुन्दर सिल्पकार, कोषाध्यक्षय् अन्नपूर्णेश्वरी श्रेष्ठ च्वनादीगु खः।

दुजलय् आर्यम नकःमि, शरद कसाः, पवित्र कसाः, कृष्णभक्त महर्जन, अर्नेश्वरी श्रेष्ठ शिल्पकार व अधिवक्ता जुजुकाजी महर्जन (कानुनी सल्लाहकार) च्वनादीगु दु ।

एरेञ्जर राजु खड्काया सांगीतिक यात्राय् २५ दँ जुगु लसताय् रेशराज प्रोडक्शन प्रा.लि. या ग्वसालय् ‘संगीतनाप यात्रा’ ज्याझ्वः तःजिक जुगु दु।

येँया राष्ट्रिय नाचघरय् जुगु उगु ज्याझ्वलय् संकिपा ‘उस्ताद जी’ या टे«लरया सार्वजनिक जूगु खः। वरिष्ठ कलाकार नाप नेपाल चलचित्र कलाकार संघया अध्यक्ष, निर्देशक, निर्माता नाप च्वमि मोहन निरौलाया अध्यक्षताय् थीथी कला क्षेत्रय् थीथी स्रष्टापिन्त सम्मान याःगु खः।

कलाकारपि वरिष्ठ गायिका ज्ञानु राणा, वरिष्ठ गायक लाक्पा शेर्पा, वरिष्ठ साउण्ड डिजाइनर दीप रत्न तुलाधर, राष्ट्रवादी नायक÷निर्माता नाप निर्देशक नवल खड्का, वरिष्ठ गीत नाप कथाकार मीन सागर लामा, वरिष्ठ संगीतकार आभाष फुयाँल, वरिष्ठ गायक, संगीत संयोजक नाप संगीतकार पवन वाङ लामा, वरिष्ठ वाद्यवादक भरत बुढाथोकी, वरिष्ठ गीतकार दुर्गा लामा, गायक पञ्चमान तामाङ (शैलाब वाईवा), गायक उत्सव सुब्बा लामा व गायक मरिचमान तामाङपिन्त उगु ज्याझ्वलय् हंगु खः ।

‘सकिपाय् न्हुपि नायकपि वइ, दच्छि निदँय् तना वनिइ तर संगीतख्यलय् वइपि न्ह्यावलये जनतां लुमका तइ।’– ज्याझ्वलय् मूपाहाँ मोहन निरौलां धयादीगु दु– ‘उकि संगीत ख्यःया महत्व व मान्यता बिइ फतधाःसा झीगु संगीतया स्तर थहावनिइ, उकिइ देशयात हे फाइदा जुइ।’

रेशराज प्रोडक्शन प्रा.लि.या अध्यक्ष गायक रेशम कुमार विश्वकर्माया सभाध्यक्षताय् उगु ज्याझ्वः जुगु खः।

प्रधानमन्त्री पुष्पकमल दाहाल प्रचण्डं छु ईलिपा जुइत्यःगु भारत भ्रमणय् न्हुगु रेकर्ड दयकेगु ज्या कथं जुइ धका दाबी याःगु दु।

अखिल नेपाल ट्रेड युनियन महासंघया च्याक्वःगु महाधिवेशनपाखे निर्वाचित कार्यसमितियात सपथग्रहण ज्याझ्वलय् सम्बोधन यायेगु झ्वलय् प्रचण्डं न्हुगु रेकर्ड दयकेगु कथं भारत भ्रमणया तयारी दु धका धयादीगु खः।

नेवाः संगीतख्यलय् आः याकनं हे छगू तःजिगु संगीत सिरपा ज्याझ्वः जुइत्यःगु दु ।

संगीतख्यलय् थीथी गतिविधि न्ह्याकावया च्वंगु नेवाः साधना कला केन्द्रया ग्वसालय् थथे तःजिगु सिरपाया ग्वसाः जुइत्यंगु धका छगू पत्रकार सम्मेलन जानकारी बिःगु दु।

उगु पत्रकार सम्मेलनय् जानकारी बिगु कथं नेवाः संगीतख्यःयात कःघाना जुइगु थुगु सिरपा म्युजिक भिडियो नं ब्वति कायेदइगु जुइ धाःसे सांगितिक पक्षयात जक बिइगु खँ ग्वसाः खलकं जानकारी बिगु खः।

कला केन्द्रया नायः सुन्दर श्रेष्ठ बागमति भाइ न लसकुसयाना न्ह्यागु उगु ज्याझ्वलय् पौभा साय्मि, पवित्र कसाः, बरिष्ठ सिनेपत्रकार विजयरत्न असंबरे, अमरराज शर्मा राजोपाध्याय व जुजुकाजि रन्जितपिनिगु न उपस्थिति दुगु खः।