Display Style:
Column Style
निर्मात्री लिसें नायिका जेनी कुँवर यगाना मन्त
लहनान्यूज | बछलागा पञ्चमी, ११४१, असार २५ शुक्रबाः
नायिका लिसें निर्मात्री जेनी कुँवर यगाना सीगु दु । प्रहरी वृत्त बानेश्वरया कथं वय्कलं थः च्वनाच्वंगु येँ थापागाउँया सनराइज सिटी अपार्टमेन्टय् यगाना आत्महत्या याःगु खः ।
प्रहरीया कथं आत्महत्या कारण डिप्रेशन जुइफइगु अनुमान याःगु दु । वय्क ताः ईनिसें डिप्रेशनया ल्वगि जुयाच्वंगु खः । जेनी छुं ई न्ह्यः पशुपति मन्दिर लागाय् साधुया अवतारय् च्वनाच्वंगु खः । पशुपति परिसरय् वय्क विवादित तकं जुयादिगु खः ।
प्रहरी आः अपार्टमेन्टय् वना घटनाया विषयस अनुसन्धान यानाच्वंगु दु । प्रहरीया कथं जेनीया सुसाइट नोट तकं लुइकूगु दु ।
जेनीं संकिपा त धुम, मैदान, मिस्टर डन, हलचल, घायत, जीवनदाता, त्यागी मान्छे, हाम्रो मिलन कहिले हुन्छ, विन्ती पत्र, अभिमन्यू आदि संकिपातय् ज्या यायेधुंकूगु खः ।
वय्कलं म्हितादिगु व निर्माण यानादिगु संकिपा घायल संकिपाया ‘माया गर मायालुले’ बोलया मे छुं ई न्ह्य टिकटक तकं ल्वकंह्वानाच्वंगु खः ।
अभिनेता आमिर व किरणया पारपाचुके जुइगु
बछलागा दशमी ११४१, असार २० गते आइतबाः
बलिउड अभिनेता आमिर खान र पत्नी किरण रावललिसें अलग जुइगु निर्णय याःगु दु । आमिर व किरणया सहमति हे पारपाचुके यायेगु तयारी याःगु भारतीय मिडिया न्ह्यथंगु दु ।
२८ डिसेम्बर २००५ य् उपिनिगु इहिपा जूगु खः । आमिर व किरणं संयुक्त वक्तव्य जारी याना पारपाचुकेया बारे जानकारी बिउगु खः । १५दँ त्यपू जिवन सुथांलाक्क न्ह्याःगु उमिसं धाल ।
थःपिं निम्हेसियागु सहमतिं हे अलग च्वनिु निर्णइ यानागु उमिगु वक्तव्य न्ह्यथनातःगु दु । जिन्दगीया न्हूगु अध्याय न्ह्याकेत उगु निर्णयस थ्यंगु नं उमिसं धाल ।
अलग जुसां फिल्म दुनियाय् धाःसा सहकार्य न्ह्यानाहे च्वनिगु वचं आमिर व किरण याःगु दु । काय् आजादया अभिभावकत्व निम्हेसियां नं यायेगु घोषणा नं आमिर व किरणं याःगु दु ।
उमिसं थ्वः निर्णय यायेत छेँज व पासापिन्सं नं ग्वहालि याःगु धाःगु दु ।
अभिनेता पल शाह ‘रियल हिरो अफ दि इयर’
बछलागा पञ्चमी ११४१, असार १५ मंगलबाः
अभिनेता पल शाह ‘रियल हिरो अफ दि इयर’पाखें सम्मानित जुयादिगु दु । कोरोना भाइरसया कारण जूगु लकडाउनं बेरोजगार जूपिं चलचित्रकःमीपिन्त राहत ग्वहालि याःगुलिं ‘रजतपट कोशेली अभियानं’ पलयात हंगु खः ।
कोरोना भाइरस पीडितया उद्धार व ग्वहालिइ जानच्वम्ह पल शाहयात उगु ज्याः हुनिं हनागु रजतपट कोशेलीया प्रकाश सुवेदी जानकारी बियादिल ।
सोमबाः येँ ग्वसाग्वःगु छगु ज्याझ्वलय् लःल्हानादिगु उगु सम्मान कायेत पल धाःसा झायामदिगु खः । वय्क राहतया हे नितिं येँ पिने जूगुलिं हनेज्याय् दुथ्याना मदिगु सुवेदीं धाल ।
ज्याझ्वलय् विरामी जुयादिम्ह निशा घिमिरेयात ११गू लख ७द्व व ८सः ध्येबाया ग्वहालि नं याःगु खः । निशायात सितिक्कं वासःया प्रबन्ध यानादिम्ह मेघा चौधरीयात नं उगु झ्वलय् हनादिगु खः ।
मेघाया हनापौ नवजीवन परोपकार समाज नेपालया दुर्गानाथ दाहालं कयादिगु खः ।
‘जितः ख्वयेकाः’या म्यूजिक भिडियो सार्वजनिक
लहनान्यूज सम्वाददाता | ने.सं. ११४१ तछलाथ्व नवमी (२०७८ असार ५) शनिबार
कोभिड महामारीयात नियन्त्रणय् कायेत निषेधाज्ञा जारी दुगु अवस्थाया दथुइ हे थौं नेपालभाषाया छपु न्हूगु म्यूजिक भिडियो सार्वजनिक जूगु दु ।
गायिका विष्णुमाया व्यन्जनकारया म्ये ‘जितः ख्वय्काः छ वने फइमखु’ या म्यूजिक भिडियो थौं सार्वजनिक जूगु खः । कलाकार, पत्रकारतय् उपस्थितीइ जुममार्फत जूगु भर्च्युअल ज्याझ्वलय् म्ये सार्वजनिक याःगु खः ।
ज्याझ्वलय् नवासें वरिष्ठ सिने पत्रकार लिसें नेपालभाषा म्यूजिक भिडियोया न्हापांम्ह निर्देशक विजयरत्न तुलाधरं लकडाउनय् नं नेपालभाषाया म्यूजिक भिडियो ख्यलं बांलाःगु गति कयाच्वंगुलिइ लसता प्वंकादिल ।
पत्रकार दर्शनवीर शाक्यं म्येया शैलीयात स्वयाः दर्शकया नं व हे कथंया ई अनुभुति बीमाःगु बिचाः तयादिल ।
पत्रकार बिराजकाजी राजोपाध्यायं म्यूजिक भिडियो वा संकिपा स्वइम्ह दर्शकं उकिया पात्रय् थःत मालेगु यात वा लुइकल धाःसा निर्देशक सफल जुइगु बिचाः तयादिल ।
गायिका व्यन्जनकारं म्योया संगीतकार मदुम्ह पद्मज्योती बज्राचार्यया ज्ञानमाला भजनलिसें आधुनिक म्ये ख्यलय् योगदानयाबारे चर्चा यानादिल ।
ज्याझ्वलय् कलाकार सुरज व्यन्जनकार, स्वतन्त्र संसार महर्जनं नं थःथःगु बिचाः तयादीगु खःसा म्यूजिक भिडियोया संगीत संयोजक जुगल डंगोल, मोडलत अनुप शाक्य, सुषमा बज्राचार्य, रोजिना सुवाल, क्यामेरा निर्देशक व भिज्युअल एडिटर अमर चित्रकार, निर्देशक सुरज नापितं थःथःगु अनुभव न्यंकादीगु खः ।
मदुम्ह मन्त बज्रं च्वयादीगु म्येया म्युजिक भिडियोया बाखं सत्य घटनाय् आधारित धयातःगु दु । हाइलाइट्स नेपाल युट्युब च्यानलमार्फत म्ये सार्वजनिक याःगु खः ।
बलिउडया कलाकार दिलीप कुमार अस्पतालय् भर्ना जुल
लहानान्युज | कछलागा एकादशी ११४१,जेष्ठ २३ आईतवाः
बलिउडया लोकंह्वाम्ह कलाकार दिलीप कुमारयात अस्पतालय् भर्ना यागु दु।
सासः ल्ह्यायेगु समस्या खने दुगुलिं वयकःयात आइतवाः हिन्दुजा अस्पतालय् भर्ना यानागु दु धका वयकःया जहान सायरा बानुं धागु दु।
इन्डियन एक्सप्रेस नाप खँ ल्हानादीसे सायरां धागु दु, “श्वासप्रश्वासया समस्या जुइवं जिमिसं दिलीप साहबयात थौं सुथय् ८ः३० बजे खर रोडया अस्पतालय् यकंगु ख ।
वयकःया उपचार जुयाच्वंगु दु व छु परीक्षण याये धुकुगु दु आः रिपोर्ट वइगु लँ च्वनागु दु। कृपया वयकः याकन हे थिक जुइमा धका कामना याना च्वना्, ताकि जिपि याकन हे छेँ लितक यके दयेमाःँ ।”९८ दँ दुम्ह अभिनेता कुमार वंगु महिना जक अस्पताल भर्ना जुया डिस्चार्ज जुगु खः।
वयकः लिपागु न निन्हु हिन्दुजा अस्पतालय् च्वंगु खः।
