म्येहालामि नवीन महर्जन ‘मुगलछेँ’ या म्ये ‘न्यूरोड गेटैमा’ या म्यूजिक भिडियो सार्वजनिक जूगु दु ।

हाइलाइट्स नेपालया यूट्युब च्यानलपाखें थुगु म्ये भिडियोया प्रिमियर जुगु खः।

म्यूजिक भिडियोया निर्देशक लुःजः सिंहं म्येय् छुं बाखं क्यनेगु स्वयां न्ह्यागु नं दँ पुचःया दर्शकं नं म्ये स्वयाः न्ह्यइपुके फयेमा धइगु बिचाः तयाः भिडियो तयार यानागु धका धयादिगु खः।

‘म्येग्वःयात हे लिनाः भद्रकाली, न्यूरोड जःखःया बांलाःगु लुयात क्यामेराय् कुनेत स्वयागु दु, म्ये स्वइबलय् दर्शकयात न्ह्यइपुसे च्वनेमा, थुलि हे बिचाः यानाः भिडियो दयेकागु दु’ भिडियोया छायाङ्कारतकं खःम्ह निर्देशक सिंहं धयादिल ।

ट्विटरं बलिउड अभिनेत्री कंगना रनावतया ट्विटर एकाउन्ट सस्पेन्ड याना बिगु दु । शृंखलाबद्ध रूपं विवादास्पद व भ्रामक सूचं ट्वीट यागुलि कंगनाया एकाउन्ट सस्पेन्ड याना बिगु खः।

अभिनेत्री कंगना भारतीय प्रधानमन्त्री नरेन्द्र मोदीयात  ममता बनर्जीयात ‘तह लगे यायेत’ इनाप यागु खः।उगु ट्वीट लिपा कंगनाया बयान धुका यक्को हे हिंसा भड्के जुगुलि वयागु एकाउन्ट सस्पेन्ड यायेत माग यागु खः।

कंगना रनावतं छु दँ निसे विवादास्पद व भड्के यायेगु बयान बिया वयाच्वंगु खः । पश्चिम बंगाल विधानसभा चुनावया लिच्वः लिपा राज्यया गन गन हिंसात्मक घटनायात स्वाना कंगनां समर्थन यासे हिंसायात उस्के यागु आरोप लगे यागु खः।

ट्विटरया प्रवक्तां ‘एब्यूसिभ बिहेवियर पोलिसी’ अन्तर्गत कंगनाया एकाउन्ट सस्पेन्ड यानागु खः धका धागु दु।

बलिवुड अभिनेत्री दीपिका पादुकोणयात न कोरोना संक्रमण जुगु दु ।

आः दीपिका परिवार नाप बैंगलुरय् च्वना च्वंगु दु।

व स्वया न्ह्यः अबु प्रकाश पादुकोण, मा  उजाला पादुकोण व केँ अनीषा पादुकोणयात न कोरोना संक्रमण जुगु खः।

दीपिकाया अबु आः बैंगलुर अस्पतालय् उपचार जुयाच्वंगु दु ।

हप्तौं तक ज्वरो घटे मजुनि वंगु शनिवाः अस्पतालय् यकूगु खः।