नेपालया पप संगीत ख्यलय् वरिष्ठ गायक भीम तुलाधरया म्ये ‘दोष’ या म्यूजिक भिडियो सार्वजनिक जूगु दु ।

थौं जुममार्फत याःगु भर्च्युअल ज्याझ्वलय् नेपालया पप सम्राट धयातःम्ह वरिष्ठ गायक ओमविक्रम विष्टं म्येया उलेज्या यानादिल । ज्याझ्वलय् नेपालय् हे न्हापांगु खुसी जुममार्फत भर्च्युअल ज्याझ्वः यासें म्येया प्रिमियर जूगु दावी याःगु खः ।

म्यूजिक भिडियो गायक तुलाधरया हे युट्युब च्यानलपाखें सार्वजनिक याःगु दु ।

ज्याझ्वलय् नवासें पप सम्राट विष्टं ‘दोष’ म्येया अडियोलिसें म्यूजिक भिडियो नं तसकं बांलाक दयेकाततःगु बिचाः तसें सफलताया भिन्तुना देछानादिल ।

गायक तुलाधरं थम्हं तसकं मेहनत यानाः म्ये दयेकागु जानकारी ब्युसें आः म्येया मूल्याङ्कनया जिम्मा स्वकुमि व न्यनामियात बियागु धयादिल ।

म्यूजिक भिडियोया परिकल्पना दयेकेगुलिसें निर्देशन रवि सायमिं यानादीगु दु । भवानी शिलाकारया छायाङ्कन निर्देशनय् ड्रोन पाइलट प्रशन्न महर्जनं ड्रोन ब्वयेकादीगु दु । मोडलद्वय निरोज शाक्य व आराध्यलक्ष्मी खड्गीं अभिनय यानादीगु दु ।

२०४८ दक्कले न्हापां जिजिविषाय् पिहांवःगु थुगु म्येयात उगु इलय् भुपालमान सिंहं अरेंज यानादीगु खःसा आः भुपेन्द्र बज्राचार्यं अरेंज यानादीगु खः ।

जुममार्फत भर्च्युअल रुपं याःगु ज्याझ्वलय् गायक अले गितारिस्ट ज्योति घिमिरे, जेम्स प्रधान, संजय श्रेष्ठं म्ये उत्कृष्ट दयेकातःगु धासें सफलताया भिन्तुना देछानादिल ।

म्यूजिक भिडियो दुनेया सम्वादय् छगू इलय् हिट्स एफ.एम.या चर्चित आर.जे.पिं रबि श्रेष्ठ व रीता लिम्बुलिसें भक्तपुर एफ.एम.या आरजे प्रतिना राई व गायक जेम्स प्रधानं नं सः बियादीगु दु ।

नांजाःम्ह पप म्येहालामि भीम तुलाधरया न्हूगु म्यूजिक भिडियो ‘दोष’ कन्हय् सार्वजनिक जुइगु जूगु दु । कन्हय् जुममार्फत भर्च्युअल ज्याझ्वः यासें म्ये सार्वजनिक यायेत्यंगु खः ।

नेपाःया संगीत ख्यलय् पप किंग तकं धाइम्ह वरिष्ठ म्येहालामि ओम विक्रम विष्टं म्यूजिक भिडियोया उलेज्या यानादीगु ज्याझ्वः क्वःज्यूगु दु ।

तुलाधरया थुगु म्ये न्हापांगु खुसी २०४८ सालय् जिजिविषा एल्बमय् पिदंगु खः । न्हापा भुपालमान सिंहं अरेंज यानातःगु थुगु म्येयात भुपेन्द्र बज्राचार्यया अरेंजय् तुलाधरं हाकनं हालादीगु खः ।

‘जिजिविषा एल्बम पिहांवःबलय् थ्व म्ये तसकं लोकं ह्वाःगु खः, थ्व म्ये जितः नं यःगु म्ये खः । अथेजुयाः आःया ट्रेन्ड कथं म्यूजिक अरेंज याकाः हाकनं रेकर्ड यानागु खः’ तुलाधरं धयादिल ।

आःतक्क दर्जन स्वयां आपाः सोलो एल्बम पिथनेगु लिसें स्वसः स्वयां अप्वः म्ये हालेधुंकूम्ह तुलाधरया सपनीमा व जिजिविषा तसकं लोकं ह्वाःगु म्येचाः खः ।

कन्हय् सार्वजनिक जुइत्यंगु दोष म्येया रचनाकार कविन्द्रमान शाक्य व ओमहरि श्रेष्ठ खःसा तुलाधर थम्हं हे लसय् हनादीगु खः ।

म्यूजिक भिडियोया परिकल्पनाकार व निर्देशक रवि सायमि खः । भवानी शिलाकारया छायाङ्कन निर्देशनय् दयेकूगु भिडियोया एडिटिङ वाइल्ड बुल्स प्रोडक्सनं याःगु दु । म्ये मोडलत निरोज शाक्य व आराध्यलक्ष्मी खड्गीं अभिनय याःगु दु ।

थौंकन्ह्य लकडाउनया इलय् न्हि ज्यायाना नयेमापिन्स तसक समस्या जुयाच्वगु इलय् कलाकार रन्जना सितुखुं अज्यापिन्त छेँ छेँ वया खाद्यान्न सामग्री ग्वाहालि यानात्वंगु दु।

छु दिं न्ह्यः कलाकार रन्जनां थःगु सामाजिक संजाल फेसबुकपाखे छगु सुचं तया येँ, यल व ख्वप् च्वपि लकडाउनया इलय् अथे थःत स्वापू तयेत इनाप यागु खः।

न्हापा वयकलं थःगु आर्थिक स्रोतपाखे न्ह्याकूगु ज्याय् आः नृत्य निर्देशक संघ ख्वप शाखा नमस्ते ख्वप टेलिभिजनपाखे न ग्वाहालि यागु दु। छु दिं न्ह्यः सुरु यागु उगु ज्या न्हापा थःगु स्रोतपाखे १८ परिवारया लच्छि तक खाद्यान्न ग्वाहालि यागु खः।

आ वयकःयात थीथी मनूपिन्स न खाद्यान्न सामग्री ग्वाहालि यागु दु। कलाकार रन्जना सितुखुं थःपिन्स यानागु ज्याय् थीथी मनू तयस न ग्वाहालि बिगु दु। तर, जिमिस खाद्यान्न सामग्री जक कायेगु याना ध्यवा धाःसा सूयाके मकया धका धयादीगु दु।

थौं न ख्वपय् १६ म्ह नाप येँ प्यम्हसित खाद्यान्न सामग्री बिइगु तयारी दु धका धयादीगु दु।

स्वनिगः दुने लकडाउनया इलय् सूयात थथे खाद्यान्न सामग्रीया  समस्या दु सा मोबाइल न.९८५१०९९४३७ व ९८४९२१७०० स्वापू तयादिस धका धयादीगु दु । वयकल छेँ वया बिउ वयाच्वंगु दु।

थौंकन्ह्य लकडाउन जुया नयेत समस्या जुयाच्वपिन्त कलाकार रन्जना सितुखुपाखे ग्वाहालि यानात्वंगु दु।

कलाकार रन्जनां थःगु सामाजिक संजाल फेसबुकपाखे छगु सुचं तया स्वनिगः दुने लकडाउनया इलय् सूयात नयगु समस्या दु सा मोबाइल न. ९८५१०९९४३७ व ९८४९२१७०० स्वापू तयादिस धका आह्वान यानादीगु दु।

कलाकार रन्जना सितुखु लहनान्युजनाप खँ ल्हानादिस आःतक थःगु हे स्रोतपाखे छगु परिवारयात लच्छितक मागु जाकि छगु बोरा, चिनी, दाल, बिस्कुत लगायतया खाद्यान्न सामान छेँ छेँ थ्यका च्वनागु दु धका धयादीगु दु।

आःतक २० गु परिवारयात थःपिन्स हे छेँ छेँ वना बिउवना च्वनागु दु धका धयादीगु दु। थथे याकचा जक याये थाकुइफु अय्न गुलि फु उलि थःम्हेसिया थम्हेसिया ग्वाहालि यानावने धका लहनान्युजयात धयादीगु दु।

रन्जना सितुखु ईमेज च्यानलपाखे नेपालभाषाया ज्याझ्वया छम्ह कलाकार न खः।